Alabalıq kababı

Alabalıq kababı hazırlamaq üçün əvvvlcə alabalıqların içalatını və üzərinin pulcuqlarını və bol su ilə təmiz yuyun.
Təmizlənib yuyulan alabalıqlar əvvəlcə bir süzgəcə qoyulur və suyu süzülür.
Suyu süzülən alabalıqları daha sonra artıq sulardan da qurtarmaq üçün kağız dəsmalla qurulayın.
Dərin bir qab götürün.
Bu dərin qabda yağı, limon suyunu, kəkotunu, istiotu, duzu qarışdırın.
Sarımsaqların qabıqlarını təmizləyin və həvəngdəstə vasitəsi ilə əzin.
Bu əzilmiş sarımsaqları da yağ, limon suyu, kəkotu və istiot qarışığına əlavə edin və möhkəmcə qarışdırın.
Balıq kababı üçün sos hazırdır.
Suyu kağız dəsmalla qurudulan alabalıqları bu sos olan qaba, sosun içərisinə qoyun.
Bu sosu suyu qurudulmuş alabalıqların yaxşıca bulaşdırın və yedirdin.
Sonra bu soslu balıqları soyuducuya qoyun.
Soyuducunun içərisində də balıqları arada çevirin ki, sosu canına yaxşı çəksin.
Balıqları sosun içərisində soyuducuda ən az 1 saat gözlədin.
Soyuducuda sosun içərisində gözlədilən balıqları daha sonra rahatlıqla bişirmək olar.
Bunun üçün müxtəlif bişirmə vasitələrindən istifadə etmək mümkündür.
Məsələn, sobsanın izqara hissəsi, tökmə qalın metal tava, elektrikli izqara (barbekue) və ya qızğın, alovsuz manqal.
Balığın hər tərəfi yaxşı bişməsi üçün bir üzü tam bişdikdən sonra digər üzünü də çevirin.
Bişmə əsnasında balığın hər iki tərəfini də arada fırça vasitəsi ilə yüngülvari yağlayın.
Alabalıq kababı bişib hazır olduqdan sonra, servis qabına alın.
Kababı salat və yaxud göyərti ilə bəzəyərək süfrəyə verin.