Hind qurabiyyəsi

hind kurabiyəsi

   

Hind qurabiyyəsi üçün lazım olan ərzaqlar:

  • 150 q kərə yağı,
  • 100 q manna yarması,
  • 1 yumurta,
  • 150 q şəkər pudrası,
  • 1 ç.q. hil,
  • 0,5 ç.q. sarıkök,
  • 250 q un,
  • 0,5 ç.q. qabartma tozu,
  • 1 çimdik duz,

Hind qurabiyyəsinin hazırlanma qaydası:

  • Bütün ərzaqların otaq temperaturunda olmasına çalışın.
  • Yumşalmış kərə yağına  şəkər pudrası əlavə edib   qarışdırın.
  • Sonra bu qarışıma manna yarmasını da  əlavə edib qarışdırın.
  • Hazırladığınız qarışıma yumurtanı , ədviyyatı və  duzu da əlavə edərək qarışdırın.
  • Qarışıma unla qabartma tozunu  da əlavə edərək  xəmir yoğurun.
  • Yumşaq, ələ yapışmayan  bir xəmir alınmalıdır.
  • Xəmir hazır olduqdan sonra, yəni artıq ələ yapışmırsa deməli qurabiyyənin xəmiri hazırdır.
  • Hazır xəmirdən bir parça qoparıb kündələyin  və  azca yastılayın.
  •  Xəmir bitənə qədər kündə tutun.
  • Soba listinə perqament kağızı sərib  yastıladığınız kündələri üstünə düzün.
  • Sobanı əvvəlcədən 180 dərəcəyə yaxın qızdırın.
  • 180 dərəcə qızdırılmış sobada təxminən 15 dəqiqə bişirin.
  • Bişirdiyiniz qurabiyyələri soyuduqdan sonra servis edə bilərsiniz.

Nuş olsun!