Qozlu salat

qozli salat

Lazım olan ərzaq:

  • toyuq əti (filesi) — 150 q,
  • yumurta — 2 ədəd,
  • göbələk — 100 q,
  • soğan -1 ədəd,
  • pendir — 100 q,
  • sarımsaq — 2 diş,
  • qoz ləpəsi — 50 q,
  • mayonez – zövqə görə,

Qozlu salatın   hazırlanması:

  • Qozlu salat hazırlamaq üçün əvvəlcə soğanı  xırda  doğrayın.
  • Göbələkləri duzlu suda 15 dəqiqə ərzində qaynadın.
  • Qaynar tavada bitki yağında göbələkləri və soğanı qızardın.
  • Sonra bunları soyudun.
  • Toyuq ətini  qaynadın.
  • Sonra bu toyuq ətini  soyudun və xırda – xırda doğrayın.
  • Yumurtanı  qaynadın və sürtgəcdən keçirin.
  • Sarımsağı  yaxşıca əzin.
  • Pendiri rəndədən keçirin.
  • Boşqabda pendiri,  sarımsağı və mayonezi  qarışdırın.
  • Qozlu salatı  qat-qat yığılır:
  • Salatda məhsul laylarının yığılma ardıcıllığı bu şəkildədir:
  • 1-ci qat (aşağı) – toyuq əti (mayonez yaxılır).
  • 2-ci qat – yumurta (mayonez yaxılır).
  • 3-cü qat – soğanlı göbələklər (mayonez azacıq yaxılır).
  • 4-cü qat – sarımsaqlı və mayonezli pendir.
  • 5-ci qat – qoz ləpəsi.

Nuş olsun!