Yarım stəkan süd ilə quru mayanı əzin.
6 stəkan unu bir qaba tökərək üzərinə maya və duz əlavə edin.
Süd tökərək xəmir yoğurun.
Hazır xəmiri mayalanmağa qoyun .
Bu arada kətənin içini hazırlayın.
Kərə yağını bir tavaya qoyub ocaqda əridin.
Sonra yağın içərisinə şəkər tozu əlavə edərək qarışdırın ki, şəkər yağda tamamən ərisin.
Əriyən yağa unu ələyərək umac hazırlayın.
Umac çox quru olmasın.
Hazır umacı bir kənara qoyun.
Diğər tərəfdə mayalanmış xəmirinizi kündələrə ayırın.
Sonra bu kündələri əllə bir az açaraq yağlayın və yenidən qatlayıb yağlayın.
Üçkünc bir yuxa alınacaq.
Həmin üçkünc yuxanı yenidən yayıb yağlayın.
Hazırladığınız yuxanın içi tutacaq qədər umac əlavə edin.
Sonra iç qoyulmuş yuxanı bir tərəfindən başlayaraq ovcunuza yığın.
Ağzı tamamən bağlanan kündəni yenidən barmaq ucunuzla yayın.
Hazır kətənin üzərinə azca su vurun ki, təndirə yapışsın.
Kətənin üzəri tamamən qızardıqdan sonra təndirdən çıxardın və üzərini yağlayın.
Sonra kətənin bir dəsmala bükün ki, yumşalsın.
Yumşalıb çox da isti olmayan kətəni dilimləyin.
Təndir kətəsini şirnisiz də hazırlamaq olar(arzuya görə).
Bu kətəni pürrəngi çayla servis edin.