Abşeron tortu adını Abşeron yarımadasından almışdır. Bir çoxumuz üçün özəl olan bu tort özünəməxsus ləzzəti ilə həmişə sevilir. Bu yazımızda məşhur Abşeron tortunun reseptini təqdim edirik.
✅ 1-ci korj üçün — 2 yumurtanın sarısı ilə ağını ayırın.
✅ Ağları köpüklənənə kimi çalın.
✅ Üzərinə ¾ st. şəkər tozu əlavə edib qarışdırmağa davam edin.
✅ Bezeyə bənzər kütlə alınacaq.
✅ Sonra 2 yumurta sarısını da əlavə edib qarışdırmağa davam edin.
✅ Üyüdülmüş qozla badamı qatın.
✅ Ayrıca bir qabda unla qabartma tozunu qarışdırın.
✅ Üzərinə qoz-badam qarışığı töküb qarışdırın.
✅ Sonra unlu-qozlu kütlədən 1 st. götürüb yumurtalı kütləyə əlavə edərək ehtiyatla qaşıqla qarışdırın.
✅ Alınmış kütləni kərə yağı ilə yağlanmış formanın içinə töküb əvvəlcədən 180 dərəcə qızdırılmış sobada 20 dəqiqə bişirin.
✅ Birinci korj hazırdır və bu qayda ilə daha 2 korju bişirin.
✅ 2 yumurta ilə şəkər tozunu qarışdırın.
✅ Üzərinə un, vanilin tökülüb yaxşıca qarışdırın.
✅ Soyuq südü əlavə edib qarışdırın.
✅ Orta odun üzərinə qoyun ki, bişsin.
✅ Qarışdırmağı da unutmayın.
✅ Qatılaşdısa, ocaqdan götürün və otaq temperaturunda saxlayaraq soyudun.
✅ Otaq temperaturunda yumşalmış kərə yağını həcmli olana kimi mikserdə çalın.
✅ Artıq soyumuş kremi kərə yağının üzərinə tökərək yenə həmcins olana kimi çalın.
✅ Əgər kremdə yumrular əmələ gəlmişsə onu soyumamış süzgəcdən keçirməlisiniz ki, yumrular süzgəcdə qalsın.
✅ Bişmiş krem yağa əlavə edilən zaman mütləq soyuq olmalıdır!
✅ Korjları bir-bir qoyub, hər birinin üzərinə 3-4 yemək qaşığı krem çəkin.
✅ Çalışın krem həm aralarına, həm kənarlarına, həm də üstünə çatsın.
✅ Korjları tamamilə kremlə örtün.
✅ Tortu bəzəmək üçün saxladığınız kremə kakao töküb qarışdırın.
✅ Üstünü kremlə bəzəyib qoz-badamdan istifadə edin.
✅ Soyuducuya qoyun.
✅ Çay süfrəsinə verməzdən 1 saat öncə soyuducudan çıxarın.