Azərbaycan salatı

Azərbaycan salatı hazırlamaq üçün ərzaqlar: pomidor, xiyar, yaşıl soğan, qırmızı turp, şüyüd,keşniş, reyhan, bibər bol su ilə təmiz yuyun.
Yuyulan göyərtilərin yapraplarında torpaq hissəcikləri qalmaması üçün əvvəlcədən içərisində su olan bir qabda gözlədilməsi məsləhətdir.
Təmiz yuyulan tərəvəzlər suyunu çəkməsi üçün süzgəcdə biraz gözlədin.
Bundan sonra təzə pomidor, xiyar və bibər nazik dairə şəklində doğrayın.
Doğranılan tərəvəzləri geniş bir qaba qoyun.
Təmiz yuyulan göy soğanı kiçik - kiçik doğrayın.
Doğranmış tər soğanı əvvəlcə doğradığınız pomidor, xiyar, bibərlərin ortasına tökün.
Bundan sonra sıra gəldi baş soğana.
Baş soğanın qabıqları təmizləyin.
Qabıqları təmizlənən baş soğan fal - fal halqavari doğrayın.
Halqavari doğranılan baş soğan dilimləri də pomidor, xiyar, bibər və yaşıl soğanların üzərinə səliqəli bir şəkildə düzün.
Bundan sonra üzərinə istiot, duz vurun.
Sonra isə salata ən üsttən xama əlavə edin.
Salat demək olar ki ,hazırdır.
Bundan sora əvvəlcədən yuyub suyunu süzdüyümüz şüyüdlər ayırtlanır və kiçik - kiçik doğrayın.
Doğranılan şüyüd parçaları, xamanın üzərindən salata səpin.
Salatın yanlarını yaşıl kahı yarpağı və reyhanla bəzəyin.