Badımcanlı Bükmə Börək

✅ Mayanı ilıq su və şəkərlə qarışdıraraq mayalandırın.
✅ Unun ortasını hovuz kimi açaraq içərisinə yağ,yumurtanın ağı və duzu qatın.
✅ Maya qabarınca unun ortasına qoyub yoğurmağa başlayın.
✅ Xəmiri qulaq məməsi bərkliyində hazırlayıb dincə qoyun.

✅ Badımcanları küp- küp doğrayn.
✅ Soğanları yeməklik doğrayın.
✅ Badımcanları yağda bir neçə dəfə o üz, bu üzə çevirib, ardından da soğanları əlavə edin.
✅ Soğan qovrulduqdan sonra pomidor rəndəsi, pomidor tomatı və ədviyyatlar da əlavə edərək altını qapadin.

✅ Kündələdiyiniz xəmirləri nə çox qalın, nə də nazik olmayacaq şəkildə börəklik yayın.
✅ Açdığınız xəmirdən birini yayıb kənara qoyun.
✅ Süfrənin üzərinə açdığınız xəmirdən birini sərib hər tərəfini yağlayın.
✅ Hazır içlikdən bərabər şəkildə yuxanın hər yanına qoyun.
✅ Açdığınız digər yuxanı bu içli yuxanın üzərinə qoyun.
✅ İkinci qat yuxanın üzərinə də yağ sürtüb badımcanlı içlikdən qoyun.
✅ İki qat xəmir və içlik qoyulmuş yuxanı rulon şəklində , çox sıx olmayacaq şəkildə sarıyın.
✅ Hər iki ucundan möhkəmcə düyünləyib rulon xəmirini tərs yonlərə doğru bükün.
✅ Hazır börəyi yağlanmış soba listinə alın və digər xəmirləri də bu qaydada hazırlayın.
✅ Üzərinə yumurta sarısı sürtüb çörəkotu səpin.
✅ Börəyin üstü və altı bişincəyə qədər sobada bişirin.
✅ Sobadan aldığınız börəyi içini çəkməsi üçün üzərini bir bezlə örtüb soyumağa qoyun.