Azərbaycan milli mətbəxinə məxsus olan Bakı paxlavası Novruz bayramında süfrələrin bəzəyidir. Bu paxlavanın dadına doyum olmur.
♦️Paxlava üçün lazım olacaq qədər unu br qaba ələyin.
♦️ Südü bir stəkana süzün.
♦️ Quru mayanı kiçik kasaya yığın.
♦️Lazım olan duzu da kasaya yığın.
♦️İstifadə ediləcək kərə yağını bir kasaya ylğın.
♦️İstifadə edəcəyiniz yumurtanı yuyun.
♦️Lazım olacaq qədər şəkər tozunu bir kasaya yığın.
♦️Lazım olan suyu bir stəkana süzün.
♦️limon suyunu bir stəkana sıxın.
♦️Qoz ləpəsini, hili də ayrı -ayrı qablara yığın.
♦️Şəkərli vanilini bir kasaya qoyun.
♦️Unu yoğurma qabına ələyin.
♦️Ələdiyiniz unun ortasına oyuq açın.
♦️Unun içərisinə yumurtanı sındırın.
♦️Quru mayanı və duzu da da unun üzərinə əlavə edin.
♦️Xama , kərə yağı və südü də da una əlavə edib qarışdırın.
♦️Bunların hamısını qarışdıraraq xəmir yoğurun.
♦️Ələ yapışmayan bir xəmir əldə edənə qədər xəmiri yoğurun.
♦️Xəmir ələ yapışmayandan sonra üzərinə strec film çəkərək 1.5 saata yaxın mayalanmağa qoyun.
♦️ Qoz ləpəsini üyüdün.
♦️ Hili üyüdün.
♦️Üyüdülmüş qoz ləpəsini və şəkər tozu, üyüdülmüş hil, Kenton şəkərli vanilini də əlavə edib bir qaşıqla qarışdırın.
♦️Suyu qaynamağa qoyun.
♦️Su qaynayan zaman içərisinə şəkər tozunu əlavə edib qarışdırın.
♦️Qarışdırın ki, şəkər tamamən ərisin və qazanın altına yapışmasın.
♦️Şərbət qatılaşan zaman üzərinə limon suyu sıxın.
♦️Mayalanmış xəmiri dəzgahın üzərinə alıb kündələrə ayırın.
♦️Əlinizlə ovxalayaraq oval şəkli verin ki, yayanda səliqəli olsun.
♦️Dəzgahın üzərinə un səpərək kündəni yayın.
♦️8-10 ədəd yuxa yayılacaqdır.
♦️Kündənin ikisini bir az böyük etmək lazımdır ki, birini paxlavanın altına, o birisini isə üstə salmaq lazım olacaqdır.
♦️Bu iki kündəni eyni zamanda azca qalın yaymaq lazımdır.
♦️Paxlavanı bişirəcəyiniz qəlibi yağlayın.
♦️Yaymış olduğunuz yuxanı qəlibin içərisinə yerləşdirin və artıqlarını kənarlarına çıxardıb kəsin.
♦️Çalışmaq lazımdır ki, yuxalar nazik olsunlar.
♦️Yuxanın üzərini yağlayıb o biri yuxanı qəlibə sərin.
♦️İkinci yuxadan sonra isə hazır içliyi bərabər qaydada yuxaların üzərinə yayın.
♦️Yenidən yuxanı qoyub yağlayın.
♦️Axırıncı yuxanı qalın yayıb qəlibə yayın və artığını kəsin.
♦️Hazır paxlavanı romb şəklində doğrayın.
♦️Üzərinə yumurta sarısı çəkin.
♦️Qoz ləpəsini də dilimlərin üzərinə yerləşdirin.
♦️Sobanı əvvəlcədən 180-200 dərəcəyə yaxın qızdırın.
♦️Hazır paxlavanı sobada 35-50 dəqiqə arası bişirə bilərsiniz.
♦️Zəfəranı bir kənarda dəmləyin və şərbətə qatın.
♦️Hazır olmağa 15 dəqiqə qalmış sobadan çıxardıb kəsilmış hissələri yenidən kəsin.
♦️Kərə yağını əridib paxlavanın üzərinə əlavə edin.
♦️İsti olanda yağı tamamən soracaq və yağ sobada ətrafa dağılmayacaq.
♦️Yenidən sobada bişirin.
♦️Sonra sobadan çıxardaraq soyumuş şərbəti üzərinə əlavə edin.
Paxlava şirəni sorduqdan sonra dilimləyərək çayla birlikdə servis edə bilərsiniz.