Bakı vineqredi

Bakı vineqredi insan sağlamlığı üçün lazım olan vitamin, mineral və liflərlə son dərəcə zəngin bir salat növüdür. Hazırlanması çox sadə olan bakı vineqredi salatı, faydalı olmaqla birlikdə çox ləzzətlidir və süfrələrin bəzəyidir.

Comments No Comments

Total Time 50 dəq

Difficulty Asand

Təlimatlar

Bakı vineqredi üçün ərzaqların bişirilməsi

Bakı vineqredi üçün ərzaqları necə hazırlamaq lazımdır?

1. Qırmızı lobya əvvəlcədən suda uzun müddət isladılır
2. Suda yaxşıca islanıb şişən qırmızı lobyalar qaynadılıb bişirilir
3. Kartof, çuğundur, yerkökü yuyulur və bir qazanda bişirilir.

Bakı vineqredi üçün ərzaqların doğranması

1. Bişən ərzaqların (kartof, çuğundur, yerkökü) bişdikdən sonra qabıqları soyulur
2. Soyduğumuz ərzaqlar kub formasında doğranır.
3. Xiyar turşusu da kub formasında doğranır.
4. Vineqredə vurulacaq göyərtilər yaxşıca yuyulur və kiçik - kiçik doğranır.
5. Soğan da kiçik ölçüdə doğranır
6. Kələm turşusunun suyu sıxılır və maksimum susuz olmağına çalışılır.
7. Suyu alınan kələm turşusu turşusu da kiçik - kiçik doğranır.

Bakı vineqredinin hazırlanma qaydası

1. Bütün məhsullar doğranıb qurtardıqdan sonra kartof, çuğundur, yerkökü, xiyar turşusu, doğranmış göyərti, soğan, kəlvm turşusu, qırmızı lobya - bir - birinə yaxşıca qarışdırılır.
2. Salata duz və əzilmiş istiot əlavə edilir.
3. Vineqredə biraz bitki yağı əlavə edilir və yaxşıca qarışdırılır.
4. Yağ da qarışdırıldıqdan sonra Bakı vineqredi süfrəyə verilmək üçün hazırdır.

Nuş olsun!