Belyaişi(rus mətbəxi)

Xəmir üçün mayanı şəkər tozu ilə birlikdə isti süddə (qaynar olmaz!) əridin.
Azca un əlavə edib qarışdırın (qatı xama kimi).
Mayanı isti yerə qoyun ki, şişsin.
Maya şişəndən sonra əridilmiş (amma qaynar olmayan) kərə yağını və duzu əlavə edin.
Yavaş- yavaş un əlavə edərək yumşaq xəmir yoğurun.
Xəmiri yağlanmış ləyənə qoyub üstünü örtün, isti yerdə 1-1,5 saat saxlayın.
Bu müddətdə xəmirin həcmi iki dəfə artacaq.
Xəmir gələnə qədər içi hazırlayın.
Soğanı soyub yuyub xırda-xırda doğrayın və sonra duz, istiotla birlikdə qiyməyə qarışdırın.
Gəlmiş xəmirdən mandarin boyda kündələr düzəldib un səpilmiş, yaxud yağlanmış lövhənin üstündə 0,3-0,5 sm qalınlıqda yayın.
Hər kündənin ortasına hazırladığınız içlikdən qoyun.
Qıraqlarını ortaya doğru yığın, amma orta hissəsini açıq saxlayın.
Tavanı orta temperaturda olan ocağın üstünə qoyun (əgər xüsusi termometr varsa, 170 dərəcədə).
Yağı tavada qızdırın.
Belyaşiləri üzü (açıq hissəsi ) aşağı olmaqla qızardın.
Yaxşı qızarandan sonra o biri üzünə çevirib, ocağı azaldıb o biri üzünü də qızardın.