Cücənin içalatı çıxarılır, təmizlənir, ütülür və yuyulur.
Bundan sonra cücə iki hissəyə bölünür.
İki hissəyə bölünmüş cücə parçası duzlanır və tavada yağ içində qızardılır.
Eyni zamanda düyüdən adi qaydada plov hazırlanır.
Hazırlanan plovun üstünə zəfəran şirəsi vurulur.
Bir tavada yağ qaynadılır "dağ" edilir.
Bundan sonra qaynar yağ üzərinə zəfəran şirəsi tökülən plovun üzərinə tökülür.
Sonra ayrı bir qabda cücə plovu ilə birlikdə süfrəyə verilmək üçün kişmiş, qaysı qurusu qovrulur.
Süfrəyə verilən zaman buluda hazır plov çəkilir, üstünə yağ tökülür.
Qovrulmuş meyvə ilə qızardılmış cücə əti ayrıca boşqabda süfrəyə verilir.