Sobada toyuq və plov hazırlamaq üçün toyuğu əvvvlcə təmiz yuyun.
Sonra təmiz yuyulmuş toyuğu yanmayan soba torbasına qoyun.
Torbanın ağzını bağlayın.
Ağzını bağladıqdan sonra torbanı bir neçə yerindən deşməyi yaddan çıxartmayın.
Çünki bunu eləmədiyiniz təqdirdə bişmə zamanı meydana gələn isti hava və buxar, torbanı şişirdib partlada bilər.
Sobanı 180 dərəcəyə isidin.
İsidilmiş sobada toyuğu qızardın.
Düyünü ilıq suda süzgəc içərisində 2-3 dəfə yuyun.
Noxudu suda bişirin.
Bir qabı ilıq su doldurun.
Yuyulub təmizlənən düyüləri burada 10-15 dəqiqə islağa qoyun.
Kərə yağını plov bişiriləcək tavaya qoyun və isidin.
Düyüləri süzün.
Suyu təmiz süzülən düyüləri yağ olan tavaya əlavə edin və qovurun.
Bulyonları bir qabda əzin.
3 stəkan suyu və əzdiyiniz bulyonu düyüyə əlavə edib qarışdırın.
Bundan sonra suda bişmiş noxudları da düyüyə əlavə edin, qarışdırın və tavanın qapağını örtün.
Düyünü əvvəlcə güclü odda, üzəri deşik - deşik olana qədər bişirin.
Bundan sonra ocağın temperaturunu azaldın.
Düyü suyu tamamən çəkdikdən sonra ocağı söndürün və plovu dəmləməyə qoyun.
Süfrəyə verilərkən qaba düyü çəkin.
Üzərinə sobada bişmiş bütöv toyuq qoyub bu şəkildə servis edin.