Evdə lahmacun

Ev şəraitində lahmacun xəmirini gözlədilirkən içliyi hazırlayın.
Bunun üçün qiymə, ədviyyatlar, kiçik doğranmış pomidor və rəndələnmiş soğanı, duzu bir-birinə qarışdırın.
Sonra xəmiri yumurta böyüklüyündə kündələrə ayırın.
Kündələrin yapışmaması üçün masanı unlayın.
Sonra lahmacun kündələrini açın.
Yayılmış lahmacun yuxasının birinin üzərinə hazırladığınız içliyi bərabər şəkildə yayın.
Sonra bir başqa yuxa ilə bunun üzərini örtün.
Eyni qayda ilə bütün lahmacunu hazırlayın.
Qiymənin hər iki yuxaya da yaxşı yapışması üçün bir az gözləyin.
Geniş bir tavaya yağ qoyun.
Tava isindikdən sonra lahmacun bu tavanın içərisinə qoyun.
Vam odda bişirin.
Tavanı ocağın geniş gözünə qoymaq lazımdır ki, tavanın hər tərəfindən bərabər şəkildə istilik gəlsin və lahmacun yanmasın.
Lahmacunun bir üzü bişdikdən sonra ehtiyatla çevirib ikinci üzünü də bişirin.
Bişdikdən sonra bir qaba kağız sərin və onun üzərinə qoyun.
Süfrəyə verilərkən iki qat lahmacun yuxasını bir birindən ayırın və içərisinə hazırladığınız göyərti və soğan qoyaraq süfrəyə verin.