Yazdırma Seçimləri:

Sobada holland pendirli badımcan

Verimlilik1 PorsiyaHazırlanma Müddəti45 dəqBişmə Vaxtı20 dəqÜmumi Vaxt1 saat 5 dəq

Lazım olan ərzaqlar
 2 ədəd iri badımcan(8 ədəd olur)
 3 ədəd soğan
 2 ədəd qırmızı bibər
 2 ədəd yaşıl bibər
 5 ədəd pomidor
 4 diş sarımsaq
 2 yemək qaşığı bibər tomat
 duz
 istiot
 duru yağ
Üzəri üçün
 holland pendiri dilimləri
Hazırlanma qaydası
1

Badımcanları yuyun.
Suyunu dəsmalla qurudun.
Sonra badımcanları cizgili soyun.
Uzununa qalın dilimlərə ayırın.
Bir tavada az yağ ilə iki üzünü az yumşalana qədər qızardın.
Artıq yağını alması üçün kağız sərili tabağa yığın.
Eynı tavaya yenə azca yağ alıb soğanları və əzilmiş sarımsaqları əlavə edib azca qızardın.
Tomatı əlavə edin.
Kiçik-kiçik doğranmış pomidorları da əlavə edib qarışdırın.
Bibərləri də əzmədən bir az bişirib üzərinə duz və istiot əlavə edərək ocağı söndürün.
Badımcanları yağlı kağız sərilmiş soba tabağına düzün.
Üzərlərinə hazırlanan qarışığı əlavə edin.
180 dərəcəyə qədər qızdırılan sobada pomidor və bibərləri qızarana qədər, badımcanlar yumşalana qədər bişirin.
Bişməyə yaxın sobadan alıb üzərinə holland pendiri dilimlərini yerləşdirin və yenidən sobaya verin.
Pendirlər qızardıqdan sonra sobadan çıxardın və isti halda servis edin.

Nuş olsun!