Yazdırma Seçimləri:

Sobada qiyməli kartof

Verimlilik1 PorsiyaHazırlanma Müddəti30 dəqBişmə Vaxtı40 dəqÜmumi Vaxt1 saat 10 dəq

Lazım olan ərzaqlar
 400 q kartof
 500 q qiymə
 100 q soğan
 20 q duru yağ
 3 ədəd sarımsaq
 20 q pomidor tomatı
 10 q bibər tomatı
 200 q pomidor
 5 q qırmızı toz bibər
 3 q istiot
 10 q duz
 200 ml su
 1 ədəd cəfəri
Hazırlanma qaydası
1

Sobada qiyməli kartofun hazırlanması:
Tavaya duru  yağı alıb   doğradığınız soğanları da əlavə edib azca  qovurun.
Qovrulan soğanın üzərinə qiyməni əlavə edərək  qovurmaya davam edin.
Qiymə qovrulduqdan  sonra içərisinə sarımsaq, pomidor tomatı, bibər tomatı, rəndələnmiş pomidor, qırmızı toz bibər, istiot və duz əlavə edərək qarışdırın.
Son olaraq doğranmış cəfəri və suyu əlavə edib 1-2 dəqiqə bişirin.
Hazırladığınız qiyməli xərci  ocaqdan alın.
Soba qəlibinizə dilimlədiyiniz kartofu düzün və  qiyməli xərcimizin  suyunu süzərək üzərinə  yerləşdirin.
D şəklində kəsdiyiniz  kartofları da dik bir şəkildə düzün.
Son olaraq  qiyməli xərcdən  qalan suyu kartofların üzərinə  gəzdirin.
Soba qabının üzərini içəridən bişirmə kağızı ilə qapadın.Kağızın üzərindən isə folqa çəkin.
Belə olanda yemək buxarında bişəcəkdir.
Yeməyi 200°qızdırılmış sobada yarım saata yaxın bişirin.
Ardından sobadan  alaraq üzərin açaraq  10 dəqiqə daha sobada üzərinin qızarması üçün bişirin.
Yeməyimiz hazırdır.
İsti-isti servis edin.

Nuş olsun!