Gürcü Xəngəli

💥 Əti kiçik dilimlərə bölün.
💥Sonra baş soğanı soyun və sonra bunu 4-5 hissəyə bölün.
💥Ətlə soğanı eyni qaba qoyun.
💥Sonra bunlara zövqə görə duz, istiot, qırmızı bibər, çörəkotu əlavə edin.
💥Bunları tam qarışana qədər qarışdırın.
💥Bütün bunları ət maşınından keçirərək soğanlı, ədviyyatlı qiymə hazırlayın.
💥Çəkilmiş qiyməyə su əlavə edin .
💥Su qiyməni yumşaldır.

💥İndi isə sıra gəldi xəmirin hazırlanmasına.
💥Una duzlu su əlavə edib bərk xəmir yoğurun.
💥Yoğurduğunuz bərk xəmiri plastik torbaya qoyub 15-20 dəqiqiə dondurucuda saxlayın.

💥Soyuducudan xəmiri çıxardın.
💥Kiçik kündələrə bölün.
💥 2 mm.qalınlığında yuxa hazırlayın.
💥Sonra bu yuxanı stəkanın köməyi ilə dairəvi formada kəsin.
💥Yerdə qalan xəmiri yenidən yoğurub yayın, onları da stəkan vasitəsi ilə yumru halda doğrayın.
💥Dairəvi xəmirləri nazik yayın.
💥Nazik yayılmış bu yuxaların ortasına təxminən 40 qr. qiyməli iç qoyub üst hissəsindən büzərək bükün.
💥Bükülmə prosesi çox vacibdir və aşağıdakı kimi həyata keçirilir:

💥 Xəngəl bitişdirilməsi sonuncu büküşə kimi hər büküşü yuxarı darta-darta yapışdırmaqla əmələ gəlir.
💥Yapışdırma bitdikdən sonra başlığı burub artıq hissəni qopardın.

💥Geniş bir qazana 5-7 litr su əlavə edin.
💥Bu suya duz da əlavə edin.
💥Qazanı güclü alovun üzərinə qoyun.
💥 Su qaynayanda bükülüb hazırlanmış gürcü xəngəli ehtiyatla, bir- bir, ancaq sürətlə qaynayan suya qoyulur.
💥Xəngəlləri suya salan kimi ehtiyatla taxta qaşıqla qarışdırın.
💥Bu zaman gürcü xəngəli bir -birinə və qazanın dibinə yapışmır.
💥Təxminən 7 dəqiqə qaynadıqdan sonra xəngəllər bişir və suyun üzərinə çıxır.
💥Bişmiş gürcü xəngəlini kəfgir vasitəsi ilə ehtiyatla çıxardın.
💥Bu zaman, ehtiyatlı olunmalıdır ki, bişmiş xəngəli dağılmasın.
💥Bişmə zamanı diqqət edilməlidir ki, çox bişməsin.
💥Çox bişərsə, xəngəllər açılıb dağıla bilər.