Bu küftəni yemək üçün uzun yolculuğa çıxmağa gərək yoxdur. Öz evinizdə rahatlıqla hazırlaya biləcəyiniz İsveç küftəsinin bütün srrini 1001dad.com saytı bu gün sizlər üçün paylaşacaq. İnanın, bu günə qədər yediyiniz ən ləzzətli küftələrdən biri olacaq. Kartof püresi ya da sobada bişirdiyiniz kartoflarla servis etsəniz tamam başqa bir dad olacaq.
✅İstifadə edəcəyiniz mal ətini təmizləyib yuyaraq aşsüzənə yığın.
✅İstifadə edəcəyiniz qaymağı kasaya yığın.
✅Lazım olacaq duzu bir kasaya yığın.
✅Lazım olacaq soğanı soyub kasaya yığın.
✅Lazım olacaq yumurtanı yuyub mətbəx dəsmalının üzərinə alın.
✅İstifadə edəcəyiniz çörək qırıntılarını kasaya yığın.
✅İstifadə olunacaq istiot ,hind qozu tozu və ədviyyatı ayrıca kasalara yığın.
✅Lazım olacaq zeytun yağı və ət suyunu ayrıca kasalara yığın.
✅İstifadə edəcəyiniz unu bur kasaya ələyib yığın.
✅Küftə hazırlamaq üçün əti maşının incə gözündən çəkin.
✅Küftətə qatacağınız soğanları incə-incə doğrayın.
✅Yuduğunuz yumurtaları bir kasaya sındırın.
✅Küftələr üçün lazım olan ərzaqlar bir kasaya əlavə edilir.
✅3-4 dəqiqə ərzində yumşalana qədər yoğrulur.
✅Üzəri streçlənərək soyuducuda 30 dəqiqə saxlanılır.
✅30 dəqiqə sonra soyuducudan çıxarılır və qoz böyüklüyündə küftələr hazırlanır.
✅Küftələri qızartmaq üçün zeytun yağı tavaya əlavə edilir və orta istilikdə qızdırılır.
✅Küftələrin hər tərəfi yaxşı qızarana qədər bişirilir.
✅Qızaran küftələr tavadan götürülür.
✅Tavada qalan yağın içinə un əlavə edilir və 30 saniyə qovurulur.
✅Daha sonra ət suyu əlavə edilərək davamlı qarışdırılır.
✅Sos biraz rəng dəyişəndə qaymağ yavaş-yavaş əlavə edilir və qarışdırmağa davam edilir.
✅Küftələr bu sosun içinə əlavə edilir və qarışdırılır.
✅Sosun içində10-15 dəqiqə vam odda bişirilir.
Kartof pürüsi və yaxud da sobada bişirdiyiniz kartoflarla birlikdə servis edə bilərsiniz.