Bu gün sizlərə çox ləzzətli bir şorba reseptini təqdim edəcəyik. Bu resepti əsasən uşaqları nəzərə alaraq hazırladıq.
Ana südü ilə qidalanan uşaqlar böyüdükcə yemək menyuları da dəyişir , ana südü onları doyurmur. Bunu nəzərə alaraq hazırladığımız küftəli şorba resepti uşaqların sevərək tükədəcəyi bir yeməkdir. Bu şorba həm çox ləzzətli, həm də çox doyurucudur.
✅ İstifadə edəcəyiniz əti yuyub suyunu süzdükdən sonra qiymə hazırlayın.
✅ Küftəyə qatacağınız çörək qırıqlarını isladın.
✅ İstifadə edəcəyiniz duzu və istiotu ayrıca kasalara yığın.
✅ Küftələri yığacağınız siniyi unlayın.
✅ İstifadə edəcəyiniz noxudu axşamdan yuyub isladın və suyunu süzüb bir qazanda bişirin.
✅ İstifadə edəcəyiniz kərə yağını bir kasaya yığın.
✅ Lazım olacaq sarımsaqları təmiləyib əzərək bir kasaya yığın.
✅ Şorbaya qatacağınız şəhriyəni də kasaya yığın.
✅Əvvəlcə küftələri hazırlayın.
✅Bunun üçün qiymənin içərisinə islatdığınız çörəyi qataraq yoğurun.
✅Sonra yoğurduğunuz qiymənin içərisinə duz və istiotu da əlavə edərək yenidən yoğurun.
✅Kiçik yuvarlaq küftələr hazırlayın.
✅ Bir sinini unlayın və hazırladığınız küftələri də unlayaraq siniyə yığın.
✅Ocağı yandırıb qazanı üzərinə qoyun.
✅Qızdırdığınız q azana kərə yağını qoyun .
✅Yağ əriyəndə içərisinə unu və döyülmüş sarımsağı əlavə edin.
✅Sarımsaq bir az bişincə soyulmuş, küp-küp doğranmış pomidorları əlavə edin.
✅Bir neçə dəfə çevirin və yetərincə suyu qazana əlavə edin.
✅ Əvvəlcədən bişirib hazırladığınız noxudu suya əlavə edib bişirin.
✅Noxudlar bişdikdən sonra unlanmış hazır küftələri və şəhriyəni də qazana əlavə edin.
✅Küftələr bişincə ləzzətləndirmək üçün nanə, duz və istiotu əlavə edin.
✅Bir az qaynadıqdan sonra ocaqdan alın.
✅18. aydan sonra körpəniz bu şorbadan yeyə bilər.
✅Ancaq əvvəlcə həkiminizə müraciət etməyi unutmayın!