Mal Ətindən Kotlet

İstifadə edəcəyiniz mal ətini yuyub təmizləyin.
Yuduğunuz mal ətinin suyunu verməsi üçün aşsüzənə yığın.
İstifadə edəcəyiniz soğanları soyub kasaya yığın.
İstifadə edəcəyiniz çörək dilimini bir kasaya alın.
İstifadə edəcəyiniz duzu kasaya alın.
Lazım olacaq qədər istiotu da bir kasaya yığın.

Mal ətini maşından keçirdərək qiymə hazırlayın.
Kotlet üçün istifadə edəcəyiniz soğanı da ət maşınından keşirdin.
Kotletə qatacağınız çörək dilimini suyla(südlədə islada bilərsiniz.) isladın.
Çörək dilimini südlə isladıb kotletə qatsanız daha yumşaq olar.
Südlə islatmaq sizin seçiminizdir.
Bu reseptdə mən çörəyi suyla islatmağı seçdim.

Çörəyi istatdıqdan sonra qiyməni içinə ovalıyıb, duz və istiotu da əlavə edin.
Soğanı da ətə əlavə etdikdən sonra qiyməni yaxşıca qarışdırın.
Yaxşı olar ki, əllərinizlə qarışdırasınz ki, bütün məhsullar yaxşıca qarışsın.

Tavanı qızdırın və yağı əlavə edin.
Yağın seçimi artıq sizə qalır.
Burada zeytun, qarğıdalı, günəbaxan və kərə yağından istifadə etmək olar, baxır siz hansını xoşlayırsınız.
Yaxşı olardı ki, tava və yağ lazımı qədər qızmış olsun, əks halda kotletləriniz yapışa bilər.

Kotletin yanında əlbəttə ki, qızardılmış kartofun olması demək olar ki, mütləqdir.
Nəticədə çox bir az zamanda dadlı nahar və yaxud şam yeməyi əldə edə biləcəksiniz.