Yazdırma Seçimləri:

Napoleon tortu

Verimlilik1 PorsiyaHazırlanma Müddəti50 dəqBişmə Vaxtı20 dəqÜmumi Vaxt1 saat 10 dəq

napoleon tortu

Xəmiri üçün lazım olan ərzaqlar
 4 stəkan un
 2 ədəd yumurta
 duz
 2 çay qayığı sirkə
 1 stəkan ilıq su
 600 q kərə yağı
 yağ
 yaymaq üçün un
Kremi üçün
 1 stəkan qatılaşdırılmış süd
 200 q kərə yağı
 5 q vanilin
Layların arasına
 qoz ləpəsi
Qeyd
1

Napoleon tortu üçün bişirilmiş kremdən də istifadə etmək mümkündür.

Xəmir hazırlamaq üçün
2

Una yumurta, duz, sirkə və su əlavə edib normal xəmir yoğurun.
Xəmirin üstünü örtüb 20-30 dəqiqə saxlayın.
Yağı iki hissəyə bölün.
Hər bir hissəsi 250 q olmaq şərti ilə yumşalmış yağın üstünə 2-3 xörək qaşığı un töküb əlinizlə az əzib yayın.
Xəmiri iki hissəyə bölüb hər bir hissəsini yuxa kimi yayıb 1 sm qalınlıqda açın.
Hər iki yuxanın ortasına hərəsinə 250 q əzdiyimiz yağı qoyun.
Hər iki xəmiri eyni qayda ilə hazırlayın.
Əzilmiş yağı yaydığınız yuxanın içinə qoyub zərf kimi bükün.
Xəmiri yayarkən ehtiyatla yaymaq lazımdır ki, yağı içindən çıxmasın.

1 ci dəfə
3

Bükülmüş xəmiri 1 sm qalınlıqda yayıb 4 büküb sellofanın içinə qoyub 10-15 dəqiqə soyuducuda saxlayın.

2 ci dəfə
4

Xəmiri çıxardıb eyni qayda ilə yayıb bükün yenə 10-15 dəqiqəlik soyuducuya qoyun.

3 -cü dəfə
5

Bir də xəmiri eyni qaydada yayıb bükün, yenə 10-15 dəqiqəlik soyuducuya qoyun.

4-cü dəfə
6

Bir də xəmiri eyni qaydada yayıb bükün yenə 10-15 dəqiqəlik soyuducuya qoyun.

5-ci dəfə
7

Bir də xəmiri eyni qaydada yayıb bükün və yenə 10-15 dəqiqəlik soyuducuya qoyun.

6-cı dəfə
8

Xəmiri soyuducudan çıxarıb 0,5 sm qalınlıqda yayın.
Yayılmış yağlı xəmiri iki hissəyə bölün.
Hər bir xəmirin hissəsinin eni 23-24 sm uzunluğu isə 32-33 sm olacaq.
Bu qayda ilə ikinci xəmiri də yayıb yarıya bölün.
Qaba kağız sərib xəmiri qoyun.
Çəngəl ilə deşin.
Sobanı 200 dərəcədə qızdırın.
Xəmiri sobaya bişməyə qoyun.
Xəmir 15 dəqiqəyə bişəcək.
Bu qayda ilə qalan yayılmış yağlı xəmiri də bişirin.
Layların hər birinin üst və alt qırıntılarından bir az təmizləyin.
Yanlarını eyni ölçüdə az kəsib düzəldin.
Bir layı qoyub kremləyin.
Zövqə görə qoz doğrayıb tökün.
Qalan qatları da bu qayda ilə kremləyib qoz tökün.
Axırıncı layı qoyub üzünü və yanlarını kremləyin.
Topladığımız qırıntıları ovduqdan sonra üzünə və yanlarına səpin.
Zövqə görə üzərinə əlavə olaraq qoz qırıntıları da səpə bilərsiniz.

Nuş olsun!