Çay saatlarında süfrələrinizi bəzəyəcək çox ləzzətli və doyumlu poğaça reseptini sizlərə təqdim edirik.
✅ İstifadə edəcəyiniz unu yoğurma qabına ələyin.
✅ Xəmirə qatmaq üçün istifadə edəcəyiniz südü bir azca qızdırın.
✅ Bir kasada mayanın üzərinə su, bir çimdik şəkər tozu və un əlavə edərək mayalanmağa qoyun.
✅ Poğaça hazırlamaq üçün istifadə edəcəyiniz pendiri rəndələyin.
✅ Cəfərini də kiçik-kiçik doğrayın.
✅ Pendirlə cəfərini yaxşıca qarışdırın.
✅ Əgər pendir çox duzsuzdusa içliyə biraz duz əlavə edə bilərsiniz.
✅ Poğaça xəmiri hazırlamaq üçün yoğurma qabına mayanı, ilıq südü, duzu, şəkər tozunu, qatığı və bitki yağını əlavə edərək qarışdırın.
✅ Bu ərzaqları yaxşıca qarışdırdıqdan sonra üzərinə unu əlavə edib çox da bərk olmayan bir xəmir yoğurun.
✅ Yoğurduğunuz xəmirin üzərini strec filmlə bağlayın.
✅ Yoğurduğunuz xəmiri mayalanması üçün 40-45 dəqiqəyə yaxın dincə qoyun.
✅ Mayalanan xəmiri dəzgaha alın.
✅ Hazır xəmirdən kiçik kündələr ayırın.
✅ Kündələri əlinizlə çox da nazik olmayacaq şəkildə açın.
✅ Yaydığınız xəmirlərin içərisinə bir qaşıq yardımı ilə hazır içlikdən qoyub aypara şəklində bükün.
✅ Soba sinisinə yağlı kağız sərin.
✅ Yağlı kağız sərdiyiniz siniyə hazırladığınız poğaçaları aralıqlı olaraq düzün.
✅ Poğaçalar bişəndə şişdiyi üçün aralı düzün.
✅ Sobanı əvvəlcədən 180 dərəcəyə yaxın qızdırın.
✅ Qızdırdığınız sobada hazırladığınız poğaçaları bişməyə qoyun.
✅ Bişən poğaçaları sobadan alıb bir az soyumasını gözləyin.
✅ Hazır poğaçalıarı isti və ya soyuq halda çayla birlikdə servis edə bilərsiniz. Poğaçaları süfrəyə verən zaman arzunuza görə bəzəyib servis edə bilərsiniz.
Porsiya Miqdarı 20