Qovud, əsasən Xıdır Elləz, Xıdır Nəbi zamanı hazırlanan Azərbaycanın milli yemək növüdür. E vitamini ilə də zəngin olan milli qida növünün, həzmi də son dərəcə asantdır. Xüsusi ilə Qərbi Azərbaycanda çox məşhur olan Qovud (qovurğa) günümüzdə də çox sevilir.
✅ Buğdanı ayırtlayıb içərisində olan qabıqları, qırıntıları təmizləyib bir kasaya yığın.
✅ Buğda qovuracağınız sacı təmizləyib yuyaraq qurudun.
✅ Ocağı hazırlayın.
✅ Keçmişdə qovud hazırlamaq üçün kirkirə deyilən daş bir alətdən istifadə edərdilər.
✅ Qovud üçün kirkirənin üzərini silib təmizləyin ki ,üzərindən toz qalmasın.
✅Qovud hazırlamaq üçün əvvəlcə Buğdanı sacda qovurun.
✅ Qovrulan buğdaya el arasında Qovurğa deyirlər.
✅ Qovurğanı hazırladıqca üzərini örtün ki, çox soyumasın.
✅Qovurğa hazırdır.
✅Qovrulan Qovurğa isti - isti kirkirədə (əl dəyirmanı) üyüdün.
✅Bu zaman üyüdülən Qovud, un kimi çox narın olmamalıdır.
✅Bir az iri ölçülü olmalıdır.
✅Qovurğa üyüdüldükdən sonra məhsul bez bir torbada və yaxud da ağzı möhkəm bağlana bilən qapalı bir qabda quru şəraitdə uzun müddət saxlanıla bilər.
✅Bu şəkildə bir dəfə hazırlanan məhsulu uzun müddət istifadə etmək mümkündür.
✅İndi isə sıra gəldi yeməyin bişirilməsinə.
✅Bir qabda kərə yağı (sarı yağ) əridin.
✅Sonra bu əridilmiş kərə yağına qaynar su (və ya qaynar süd) əlavə edin.
✅Sonra bu yağlı suya (südə) zövqə görə müəyyən miqdar duz əlavə edin.
✅Yemək əgər şirin olaraq hazırlanacaqsa, bu hazırlanan şərbətin içərisinə yenə ağız zövqünə görə bal və ya şəkər tozu qatıb qarışdırın.
✅Şərbət hazırlandıqdan sonra içərisinə əvvvlcədən üyüdülüb hazırlanmış qovudu qatın.
✅Bunu yavaş - yavaş etmək lazımdır ki, toz halındakı xammal bir yerə topalaşmasın.
✅Bu zaman yaxşıca qarışdırmaq lazımdır ki, maye ilə qatı kütlə bir - birinə yaxşıca qarışsın.
✅Nəticədə qatı və qəhvə rəngli bir kütlə alınır.
✅Hazırlanan yeməyi vam odda bir az da qarışdırın.
✅Qovud yeməyiniz hazırdır.
✅İsti - isti süfrəyə verilir.
✅Yeməyin qatılığı da zövqə görə təyin edilir.