Qoz mürəbbəsi

Mürəbbə bişirmək üçün orta böyüklükdə, qabığı odunlaşmayan sütül qoz götürülür. Qozun qabığı nazik soyulur, gündə 2–3 dəfə suyunu dəyişmək şərtilə 3 gün suda saxlanılır, sonra qoz əhəng suyuna qoyulur.
Gündə 4–5 dəfə qarışdırmaq şərtilə 2–3 gün əhəng suyunda saxlanılır.
Əhəng suyundan çıxarılmış qozlar bir neçə yerindən deşilib yenidən hər gün 2–3 dəfə suyunu dəyişmək şərtilə 3 gün suda saxlanılır.
Beləliklə, emal edilmiş qozlar qaynar suda 20–25 dəq. pörtülür.
Üzərinə şərbət əlavə edib arada 4–6 saat saxlamaq şərtilə 2–3 dəfəyə bişirilir.
Sonunda limon turşusu, mixək və ya hil əlavə edilir və 20 gündən az olmayaraq saxlanılır.
Əhəng suyunu hazırlamaq üçün 500q təmiz əhəng 3 litr suda həll edilib, 3–4 saat saxlanılıb və çökmüş əhəngin üst qatındakı şəffaf məhlul tənzifdən süzülür.