Simit Resepti

✅ Simit xəmirini hazırlamaq üçün bir qabın içərisinə ilıq su, ilıq süd, maya, şəkər tozu qoyun və məhsulları yaxşıca qarışdırın.
✅ Mayenin içərisinə yumurtanı qırın. Yumurtanı da südlü mayeyə qarışdırın.
✅ Qarışığa yavaş – yavaş un əlavə edin. Bu zaman un əvvəlcədən ələnmiş olmalıdır.
✅ Duz əlavə edin və xəmiri yoğurun. Simit xəmiri yumşaq olmalıdır.
✅ Xəmirin üzərini streç film və ya nəmli bezlə örtün. Otaq temperaturunda xəmiri 1 saat mayalanması üçün gözlədin.

✅ Mayalanan xəmirdən kiçik – kiçik kündələr hazırlayın.
✅ Kündələri əlinizlə açaraq rulon şəklində uzadaraq hazırlayın.
✅ İki rulonu bir- birinə hörgü şəklində sarın.
✅ Hörgünün uclarını birləşdirin və simit formasına gətirin.
✅ Suya doşabı əlavə edin və qarışdırın.
✅ Hazırladığınız simitləri əvvəlcə doşablı suya batırın.
✅ Doşablı sudan sonra simitləri içərisində küncüt olan qabda küncütə bulaşdırın. Bu küncütlər əvvəlcədən bir az qovrulmuş olsa daha ləzzətli olar.
✅ Sobanın sinisinə bişirmə kağızı sərin.
✅ Simitləri bu kağızın üzərinə səliqə ilə düzün.
✅ Sobanı 180 dərəcəyə isidin.
✅ Simitləri sobada 25 – 30 dəqiqə üzəri qızarana kimi bişirin.

✅ Simit ruloları nə qədər incə olarsa o qədər çıtır – çıtır olacaq.
✅ Küncütü yüngülvari qovurduğunuz təqdirdə küncüt daha da ləzzətli olur.
✅ Simit çox bişirilibsə, soyuducu torbasına qoyaraq soyuducunun dondurucu bölməsində boyatlamadan saxlaya bilərsiniz və istədiyiniz vaxt yenidən istifadə edə bilərsiniz.
✅ Dondurcudakı simitləri 200 dərəcə isidilmiş sobada isidərək istifadə edə bilərsiniz.