Kartof və qiymənin birlikdə bişirilməsi ləzzətli olur və çox da sevilən bir yemək növüdür.
Sobada bişdiyi üçün isə ləzzəti daha da artır. Sunumu ilə də göz oxşayır.
Bu resept o qədər xoş görünüşə malikdir ki, yaxın qonaqlarınıza belə təqdim edə bilərsiniz.
✅ Qiyməli kartof üçün lazım olacaq kartofu yuyub soyaraq su dolu kasaya yığın.
✅ Qyməli kartof üçün istifadə edəcəyiniz əti yuyub təmizləyərək aşsüzənə yığın.
✅ İstifadə edəcəyiniz soğanı soyub kasaya yığın
✅ Lazım ola biləcək qədər sarımsağın qabığını soyub kasaya yığın.
✅ İstifadə etmək üçün lazlm olacaq pomidoru yuyub bir mətbəx dəsmalının üzərinə alın.
✅ Hazırlayacağınız yemək üçün lazım olan pomidor tomatını bir kasaya yığın.
✅ İstifadə edəcəyiniz zeytun yağını bir stəkana süzün.
✅ İstifadə edəcəyiniz kərə yağını bir kasaya yığın.
✅ İstifadə edəcəyiniz uzunsov bibəri yuyub mətvəx dəsmalının üzərinə yığın.
✅ Lazım olacaq holland pendirini bir kasaya yığın.
✅ İstifadə edəcəyiniz pul bibəri, istiotu, cirəni ayrı-ayrı kasalara yığın.
✅ Qiyməli kartof üçün istifadə edəcəyiniz kartofları halqavarı doğrayın.
✅ İstifadə edəcəyiniz əti maşından keçirdərək qiymə halına salın.
✅ İstifadə edəcəyiniz soğan və sarımsaqları yeməklik doğrayın.
✅ Uzunsov bibəri də kiçik-kiçik doğrayın.
✅ İstifadə edəcəyiniz pomidorları kubik şəklində doğrayın.
✅ Doğradığınız kartofları soba sinisinə yayın və 2 yemək qaşığı zeytun yağıyla yağlayıb azca duzlayın.
✅ Sobanı əvvəlcədən 180 dərəcəyə yaxın qızdırın.
✅ Əvvəlcədən qızdırılmış sobada kartofları 15 dəqiqə bişirib kənara alın.
✅ Qalan zeytun yağını və kərə yağınıtavaya töküb ocağa alın.
✅ Qiyməni qovurmağa başlayın.
✅ Rəng alıb suyunu çəkincə sarımsaq və soğanı da əlavə edib qovurmağa davam edin.
✅ Tomatı, küp-küp doğranmış pomidoru, incə doğranmış uzunsov bibəri də əlavə edib qovurmağa başlayın.
✅ Pomidorlar suyunu salıb bibərlər yumşalana qədər ocaqda vam odda bişirin və bütün ədviyyatları da əlavə edib qarışdırın.
✅ Qapağını qapadıb 5-6 dəqiqə daha bu şəkildə bişirin.
✅ Sonra ocaqdan alın.
✅ Qiyməli kartofu sobada bişirmək üçün hazırladığınız şüşə qabı azca yağlayaraq kartofun yarısını ora düzün
✅ Hazırladığınız qiyməli xərci də tökərək bərabər şəkildə yayın.
✅ Qalan kartofları da qiyməli xərcin üzərinə düzün .
✅ Rəndələdiyiniz holland pendirini də kartofun üzərinə bərabər yayın.
✅ Əvvəlcədən 180 dərəcə qızdırdığınız fanlı sobada 10 dəqiqə, ardından izqara hissəsini açaraq 7-8 dəqiqə yenidən bişirin.
✅ Üstü qızarınca ocaqdan alın.
✅ Sobadan çıxartdıqdan sonra 10-15 dəqiqə dincə qoyun
Sobadan çıxardıb dincə qoyduqdan sonra zövqünüzə yuğun bəzəyərək dilimləyib servis edin.
İstəsəniz bol köpüklü ayran və ya çayla birlikdə servis edə bilərsiniz.