Tava börəyi

Sos üçün lazım olan ərzaqların hamısı qarışdırılır və çırpılaraq sos hazırlanır.
Bundan sonra pendir əzilir.
Sucuqlar incə - incə doğranılır.
Bunlar edildikdən sonra əzilən pendir və doğranılmış sucuq bir - birinə qarışdırılır.
Bir tava götürülür və içərisi yağlanılır.
Yuxalardan bir dənəsi tavanın içərisinə sərilir.
Yuxanın kənarları tavadan kənara çıxır.
Qalan ikinci yuxanın yarısı kəsilib ayrılır, tavanın içərisinə qoyulur.
Bundan sonra əvvəlcədən hazırlanan sosun bir hissəsi tavanın içərisindəki yuxaların üzərinə əlavə edilir.
Yuxaların sosu canına çəkməsi üçün biraz gözlədilir.
Bundan sonra içlik üçün hazırladığımız pendir və sucuq qarışığı soslu yuxanın içərisinə bərabər şəkildə yayılır.
Qalan yuxa parçası ilə içliyin üzəri örtülür.
Qalan sosun bir hissəsi də buraya əlavə edilir.
Tavanın kənarlarından çıxan yuxa parçaları ilə bunlar yaxşıca sarılır.
Bundan sonra qalan sosun hamısı da börəyin üzərinə sürtülür.
Tavanın qapağı örtülür.
Tava vam odda ocağın üzərinə qoyulur.
Burada tava börəyi vam odda bişməyə başlanır.
Aradabir altının qızarıb - qızarmadığını kontrol etmək lazımdır.
Tava börəyi alt hissəsi qızardıqdan sonra bir tabaq vasitəsi ilə tərs çevrilir.
Tava börəyi digər üzü də bu vəziyyətdə bişib qızarır.
Bundan sonra tava börəyini süfrəyə vermək olar.