Tavada Çörək

✅ Tavada çörək bişirmək üçün əvvəlcə unu çəkib xəmir yoğuracağınız ləyənə ələyin.
✅ Ayrı bir kasaya isə quru maya, duz, şəkər tozunu qoyun.
✅ Xəmiri yoğurmaq üçün lazım olan suyu qızdırın.
✅ Su çox isti olmasın.
✅ Bir stəkanda duru yağı qoyun.

✅ Əvvəlcə xəmir yoğurma qabına maya, duz, şəkər tozu və suyu da əlavə edib qarışdırın.
✅ Bir az gözləyin maya özünə gəlsin.
✅ Maya hazır olduqdan sonra ələdiyiniz unu yoğurma qabına alıb xəmiri yoğurun.
✅ Çalışın xəmir üçün istifadə etdiyiniz su nə çox soyuq. nə çox isti olsun.
✅ Hər iki halda xəmir mayalanmaz.
✅ Çörəyin xəmiri çox bərk olmamalıdır.
✅ Xəmir hazır olduqda ələ yapışmayacaqdır.
✅ Sona yaxın isə xəmirə azca duru yağ da əlavə edib yoğurun.
✅ Yağı ona görə qatırıq ki, xəmir həm məsaməli, həm yumşaq olsun.

✅ Xəmiriniz hazır olduqdan sonra xəmirin üzərini bir nəmli bezlə örtüb isti bir yerdə mayalanmağa qoyun.
✅ Nəmli bezlə üzərini örtəndə xəmirin üzəri qaysaq bağlamır.
✅ Xəmiriniz 1.5-2.00 saata mayalanacaqdır.
✅ Ləyəndə xəmirin səviyyəsi artıbdırsa deməli xəmiriniz mayalanmışdır.
✅ Mayalanan xəmiri ikinci dəfə yoğurub yenidən mayalanmağa qoyun.
✅ İkinci dəfə yoğrulan xəmirin çörəyi çox yumşaq və ləzzətli olur.
✅ Çörəyin içərisi göz-göz olur.
✅ Xəmir bişərkən yaxşı qabarır.

✅ Mayalanmış xəmiri kündələmək üçün dəzgaha alın.
✅ Xəmirdən kündələr kəsib yumrulayın.
✅ Çörək bişirəcəyiniz tavanı çox az qızdırın.
✅ Kündələri bişirəcəyiniz tavaya qoyun.
✅ Kündələrin üzərini örtərək kündənin düşməsini gözləyin.
✅ Xəmirin kündəsi dincə qoyulmasa açmaq bir az çətin olur.
✅ Sanki xəmir bir az bərkimiş olur.
✅ Kündəsi düşən xəmiri tavada yastılayıb bir az qabarmasını gözləyin.

✅ Ocağı vam odda yandırın.
✅ Kündəsi düşən xəmiri tavanın içi böyüklükdə açın.
✅ Tavanıocağa alıb qapağını qapadın.
✅ Alt hissəsi bişdikdən sonra çevirin və üzərinə bir pambıq dəsmal qoyun.
✅ Çörək bişən zaman suyu qapağın üzərinə yığılıb çörəyin üzərinə damcılayır.
✅ Çörək islanıb xarab ola bilər.
✅ Çörəyin hər iki üzü də bişdikdən sonra ocaqdan götürün .
✅ Hər iki üzü qızaran çörəyi ocaqdan alıb soyumasını gözləyin.
✅ İsti -isti doğrayanda xəmir olur.

✅ Bişirmiş olduğunuz çörəyi arzuya görə servis edə bilərsiniz.
✅ Pendir və pürrəngi çayla həhər yeməklərində servis edə bilərsiniz.
✅ Çörək süfrələrimizin yaddan çıxmayan bir ərzağıdır.Hər bir öyündə müxtəlif yeməklərin yanında çörəyin yeri vardır.