Ləzgi mətbəxinə aid olan Tskan müxtəlif içlə hazırlanır - ət , kartof , soğan; şor , göyərti (ispanaq, əvəlik); pendir , kartof və s.
Sizə təqdim etdiyimiz Tskan piroqunu ətlə hazırladıq.
İstifadə edəcəyiniz unu bir yoğurma qabına yığın.
İstifadə edəcəyiniz suyu (ayran) bir stəkana süzün.
Lazım olacaq şəkər tozunu bir kasaya yığın.
İstifadə edəcəyiniz quru mayanı bir kasaya alın.
Lazım olacaq duzu kasaya alın.
Tskan üçün istifadə edəcəyiniz bitki yağını stəkana süzün.
istifadə edəcəyiniz əti (qoyun əti) təmizləyib yuyaraq aşsüzənə alın.
Lazım olacaq kartofu soyub yuyun.
Lazım olacaq baş soğanı soyub kasaya alın.
1 ovuc qoz (istəyə görə)ləpəsini kasaya yığın.
Lazım olacaq duz, istiot, kəklikotunu ayrıca kasalara yığın.
Üzəri üçün istifadə edəcəyiniz kərə yağını bir kasaya alın.
Unu yöğurma qabına ələyin.
Əti kiçik-kiçik doğrayın.
Kartofu lay-lay doğrayın.
Soğanı yarımhalqa şəklində doğrayın.
Xəmir üçün lazım olan bütün ərzaqları qataraq xəmir yoğurun.
Ancaq bitki yağını xəmirə qatmayın.
Yoğurduğunuz xəmiri gəlməsi üçün yəni mayalanması üçün isti bir yerə qoyun.
Gəlmiş xəmiri iki yerə ayırın.
Hər birini nazik yayın.
Yağlayın.
Rulet kimi, sonra isə bu ruleti ilbiz kimi spiral bükün.
Üstünü dəsmalla örtüb 15-20 dəqiqə daha saxlayın.
Əti xırda doğrayın.
Kartofu nazik lay doğrayın.
Soğanı nazik yarımhalğa doğrayın (əgər çiy soğanın dadını xoşlamırsınızsa, xırda doğrayıb azca qovuraraq əlavə edə bilərsiniz), hamısını qarışdırın, duz, istiot, ədviyyat (göyərti, göyərti qurusu) əlavə edin.
Sonra bunları sini böyüklükdə yayın (məsələn, diametri 40 sm).
Birinci lavaşı siniyə qoyun.
İçi üzərinə bərabər yayın.
O biri lavaşı üzərinə çəkin, kənarlarını bükün, ortasında buxar çıxması üçün balaca deşik açın.
Sobanı əvvəlcədən 180 dərəcəyə yaxın qızdırın.
Hazırladığınız piroqu 180 dərəcə qızdırılmış sobada 1.5 saata yaxın bişirin.
Əgər piroqun üst hissəsi çox qızarır, içi bişmirsə, üzərinə kalka və ya folqa çəkin.
Piroq bişdikdən sonra çıxardıb üzərinə isti-isti kərə yağı çəkin.
Hazır piroqu soyutmadan bol köpüklü ayranla , kompot və ya çayla birlikdə servis edə bilərsiniz.