Az kalorili unsuz və şəkərsiz keks resepti. Bəzən insanlar səhhətləri ilə əlaqəli olaraq tərkibində un və şəkər olan ərzaqları istifadə edə bilmirlər. Bu reseptimiz un və şəkər istifadə edə bilməyən insanlar üçün idealdır. Sağlamlıq üçün faydalı olmaqla birlikdə, həm də çox ləzzətli bir keksdir. Şəkərli diabet xəstələri də bu dietik keksi istifadə edə bilərlər.
✅ Unsuz və şəkərsiz keksi hazırlamaq üçün ilk olaraq qoz və fındığı əzərək toz halına gətirin.
✅ Yumurtanın ağı ilə sarısını ayrı – ayrı qablara ayırın.
✅ Yumurtaların otaq temperaturunda olmasına diqqət edin.
✅ Yumurtaları bir mikser yardımıyla 4 Dəqiqə çırpın.
✅ Süd, doşab, qabartma tozu, vanilin və darçını yumurtaların üzərinə əlavə edin. (Keksin yaxşı qabarması üçün qabartma tozu ilə birlikdə 1 çay qaşığı soda da əlavə eləmək olar. Soda, keksin turşuluğunu da azaldacaq.)
✅ Əvvəlcədən çəkib un halına gətirdiyiniz fındıq, qoz ləpəsini yumurtaya əlavə edin və əldə edilən xəmiri yoğurun.
✅ Portağal qabıqlarını sürtkəcdən keçirin. Sürtkəcdən keçirilmiş portağal qabığı da xəmirə əlavə edin və biraz yoğurun.
✅ Xurma və quru üzümləri (kişmiş) kiçik ölçülü doğrayın.
✅ Kiçik -kiçik doğradığınız xurma və quru üzümləri hazırladığınız xəmirə əlavə edin və taxta bir vasitəsi ilə yaxşıca qarışdırın.
✅ 20x20 sm ölçülü istiyədavamlı qabın içərisinə bişirmə kağızı sərin.
✅ Bişirmə kağızı yoxdursa, qabın içərisini kərə yağla da yağlamaq olar. Bu zaman keksi qabdan rahat çıxartmaq mümkündür.
✅ Əvvəlcədən 180 dərəcə qızdırılmış sobada 30 Dəqiqə bişirin.
✅ Unsuz və şəkərsiz keksi dadlandırmaq üçün kakaolu dondurma ilə birlikdə servis edə bilərsiniz.
✅ Asan hazırlanan bu unsuz və şəkərsiz keksin bir porsunun enerji dəyəri 300 kaloriyə yaxındır.