Yeni İl Ağacı Salatı Üçün Ərzaqların Yığılması

İstifadə edəcəyiniz kartofları yuyub soyaraq kasaya yığın.
Lazım molacaq qarğıdalı konservini bir aşsüzənlə suyunu süzün.
İstifadə edəcəyiniz qatığı kasaya yığın.
Lazım olan marqarini kasaya alın.
Salat üçün lazım olan duzu kasaya alın.
İstifadə edəcəyiniz şüyüdü ayırtlayaraq təmiz-təmiz yuyub mətbəx dəsmalının üzərinə yığın.
Lazım olacaq qədər mayonezi kasaya yığın.
Salata qatacağınız bibəri təmizləyib mətbəx dəsmalının üzərinə yığın.
Lazım olan xiyar turşusunu kjasaya yığın.

Yeni İl Ağacı Salatı Üçün Ərzaqların Hazırlanması

Təmizlədiyiniz kartofları bişirib soyun.
İstifadə edəcəyiniz bibəri közdə bişirin.
İstifadə edəcəyiniz qatıq və mayonezi qataraq bir kasada yaxşıca çırpın.
Kpözdə bişirdiyiniz bibəri kubik şəklində doğrayın.
Xiyar turşusunu da kubik-kubik doğrayın.

Yeni İl Ağacı Salatının Hazırlanması

Bişirib soyduğunuz kartofları yaxşıca əzərək içərisinə marqarin və duz əlavə edərək yaxşıca qarışdırıb yoğurun.
Qarışdırdığınız mayonez və qatığı da kartofa qatıb yaxşıca qarışdırın.
Qatıqla qarışdırdığınız kartof əzməsini servis tabağına alın.
Servis tabağında kartofa şam ağacı şəkli verməyə çalışın.
Hazırladığınız şam ağacının gövdəsini şüyüdün qalın budaqlarından hazırlayın.
Şüyüdün yarpaqları ilə kartofdan hazırladığınız şam ağacının üzərini örtün.
Qarğıdalı və köz bibərlə şam ağacının üzərini süsləyin.
Yeni il üçün həm asand, həm də yaraşıqlı bir salat alınacaq.

Nuş Olsun!